بھارت
مدھیہ پردیش : خاتون سمیت تین دلتوں کو گولی مار کر ہلاک کر دیا گیا
بھوپال26 اکتوبر (کے ایم ایس) بھارتی ریاست مدھیہ پردیش میں ایک خاتون سمیت دلت خاندان کے تین افراد کو ان کے پڑوسیوں نے جھگڑے کے بعد قتل کردیا۔
کشمیر میڈیا سروس کے مطابق بھوپال کے ایک گاﺅ دیوراں میں پٹیل اور اہیروار خاندانوں کے درمیان جھگڑا اس وقت شروع ہوا جب جگدیش پٹیل نے الزام لگایا کہ ان کے پڑوسی مانک اہیروار نے ان کی بیوی سے چھیڑ چھاڑ کی۔
بعد ازاں جگدیش نے 30 سالہ مانک اہیروار، اس کے والد 60 سالہ گھمنڈی اہیروار اور اس کی والدہ 58 سالہ راج پیاری کو فائرنگ کر کے ہلاک کردیا۔ واقعے میں مانک اہیروار کا بھائی بھی زخمی ہو گیا۔ .
بھارتی ذرائع ابلاغ کا کہنا ہے کہ جگدیش پٹیل گاو¿ں کاایک بااثر آدمی ہے اور وہ اکثر دوسروں کے ساتھ لڑائی جھگڑوں میں ملوث رہتا تھا۔
