(کشمیر میڈیا سروس)
سرینگر13نومبر(کے ایم ایس) غیر قانونی طور پر بھارت کے زیر قبضہ جموں و کشمیر میں ہائی کورٹ نے کالے قانون پبلک سیفٹی ایکٹ (PSA) کے تحت دو افراد کی غیر قانونی نظربندی کو کالعدم قرار دیتے ہوئے حکام کو انہیں فوری طور پر رہا کرنے کی ہدایت کی ہے۔
جسٹس سنجے دھر پرمشتمل بینچ نے رواں سال 28فروری کو سرینگر کے ڈپٹی کمشنر کی طرف سے غلام احمد ڈار نامی شخص کی نظر بندی کے حکم نامے کو منسوخ کر دیا۔بینچ نے پلوامہ کے ڈپٹی کمشنر کی طرف سے منظور احمدنامی نوجوان کی کالے قانون پبلک سیفٹی ایکٹ کے تحت نظر بندی کے احکامات کو بھی منسوخ کر دیا اور حکام کو انہیں فوری طور پر رہا کرنے کی ہدایت کی۔