بھارت
گجرات: کالج میں ہندوتوا غنڈوں کا مسلم طلبہ پروحشیانہ تشدد
نئی دلی 25نومبر (کے ایم ایس)
بھارتی ریاست گجرات کے شہر سورت کے ایک کالج میں ہندوتوا غنڈوں نے تین مسلم طالبعلموں کووحشیانہ تشدد کا نشانہ بنایاہے۔
یہ واقعہ سورت کے بھگوان مہاویر کالج میں پیش آیا اور اس کی ویڈیو سوشل میڈیا پر وائرل ہو گئی ہے۔دو منٹ بائیس سیکنڈ دورانیہ کی ویڈیو میں چہروں کو رومال سے چھپائے ہندوتوا غنڈوں کے ایک گروپ کو مسلم طلبہ پر تشدد کرتے ہوئے دکھایاگیا ہے ۔ حملہ آوروں کی شناخت دائیں بازو کے ہندو انتہاپسندگروپ وشو ہندو پریشد اور بجرنگ دل کے ارکان کے طور پر کی گئی ہے۔
