(کشمیر میڈیا سروس)
نئی دلی 23دسمبر (کے ایم ایس)
بھارت نے خطے میں اپنا جنگی جنون جاری رکھتے ہوئے جدید ترین ہتھیار خریدنے کیلئے 843ارب سے زائد کی منظوری دی ہے ۔
کشمیرمیڈیاسروس کے مطابق بھارت وزارت دفاع نے لائٹ ٹینکس، بحری جہاز شکن میزائلوں اور لانگ رینج گائیڈڈ میزائلوں کی خریداری کیلئے 843 ارب 28 کروڑ روپے کی منظوری دی ہے۔جدید دفاعی سازوسامان خریدنے کی منظوری ڈیفنس ایکوئیزیشن کونسل نے دی جس کے سربراہ وزیر دفاع راج ناتھ سنگھ ہیں۔بھارتی میڈیا کی اطلاعات کے مطابق بھارت یہ ہتھیار اور دیگر دفاعی سازوسامان ایک ایسے وقت میں خرید رہا ہے جب چین اور بھارت کے درمیان لائن آف ایکچوئل کنٹرول پر کشیدگی جاری ہے۔بھارتی وزارت دفاع کا کہنا ہے کہ تینوں مسلح افواج کیلئے جدیدہتھیاروں کی خریداری کی24تجاویز کی منظوری دی گئی ہے۔اس میں بھارتی فوج اور فضائیہ کیلئے 6،6 جبکہ بحریہ کیلئے 10اور کوسٹ گارڈ کیلئے 2 تجاویز شامل ہیں۔وزارت دفاع کے مطابق ان 24بڑی دفاعی خریداریوں پر 84 ہزار 328کروڑ روپے خرچ ہوں گے۔ایک نئی تجاویز کے تحت جدید انفنٹری کامبیٹ وہیکل، لائٹ ٹینک، بحریہ کیلئے اینٹی شپ میزائل، ویسلز، نئے میزائل سسٹمز، لانگ رینج گائیڈڈ بم اور جدید آفشور پٹرول ویسلز خریدے جائیں گے۔بھارتی وزارت دفاع کا کہنا ہے کہ یہ تمام دفاعی ساز و سامان اور ہتھیار مقامی ذرائع سے خریدے جائیں گے۔
تازہ ترین
- پیغمبر اسلامۖ کی شان میں گستاخی ناقابل قبول ہے : متحدہ مجلس علمائ
- بھارت :ہماچل پردیش میں دیواروں پر خالصتان کے حق میں نعرے تحریر
- سوپور میں خاتون چلتی بس سے گرنے سے جاں بحق
- اقوام متحدہ اور اوآئی سی مقبوضہ جموں وکشمیر میں اپنی ٹیمیں بھیجیں
- حریت رہنمائوں اورتنظیموں کی طرف سے توہین رسالت کے واقعے کی مذمت، ہرتال کال کی حمایت
- بی جے پی کی عوام دشمن پالیسیوں کے خلاف جموں میں احتجاجی مظاہرہ
- ڈی ایف پی کا کشمیری نظربندوں کی رہائی کا مطالبہ کیا، طلباء کی گرفتاری کی مذمت
- مقبوضہ جموں وکشمیرمیں 05اگست 2019کے بعدبھارتی ظلم وجبر اپنے عروج پر ہے
- کل جماعتی حریت کانفرنس کی طرف سے مقبوضہ جموں وکشمیر میں جمعہ کو ہڑتال کی اپیل
- بھارت :تلنگانہ میں اقتدار میں آئے توحیدرآباد کا نام بدل دیں گے : بی جے پی رہنما
