مقبوضہ کشمیر: سڑک حادثات میں 5 افراد کی جانیں ضائع
جموں30 دسمبر (کے ایم ایس)بھارت کے غیر قانونی زیرقبضہ جموںوکشمیر کے ریاسی، رام بن اور ڈوڈہ اضلاع میں پیش آنے والے سڑ ک حادثات میں کم از کم5 افراد کی جانیں ضائع ہو گئیں۔
کشمیر میڈیاسروس کے مطابق ریاسی کے علاقے ہاموسن میں ایک آلٹو کار حادثے کا شکار ہو گئی جس کے نتیجے میں اس میں سوار دو اشخاص 35سالہ منجیت سنگھ اور 25سالہ گرباشک سنگھ کی موقع پر ہی موت واقع ہو ئی۔ یہ دونوں ریاستی کے علاقے چاسانہ کے رہائشی تھے۔
ضلع رام بن میں سرینگر جموںشاہراہ پر ایک گاڑی گہری کھائی میں جا گری جس کے سبب ڈرائیور مدثر احمد جاں بحق ہوگیا ۔ وہ سرینگر کے علاقے دلگیٹ کا رہائشی تھا۔ضلع رام ہی کے علاقے لمبر بانیہال میں ایک موٹر سائیکل کو مخالف سمت سے آنے والی ایک گاڑی نے ٹکر ماردی جسکے نتیجے میں اس پر سوار 19سالہ احرار احمد جاں بحق ہو گیا۔ وہ بانیہال کے علاقے اشہار Asharکا رہائشی تھا۔
ضلع ڈوڈہ میں کاستی گڑھ روڈ پر پیش آنے والے حادثے میں ایک موٹر سائیکل سوار عبدالقیوم جاں بحق ہو گیا۔ وہ پوٹی کاستی گڑھ کا رہائشی تھا۔
