مقبوضہ جموں و کشمیر
راجوری: بھارتی فوجی کھائی میں گرنے کے باعث ہلاک
جموں:بھارت کے غیر قانونی زیر قبضہ جموںوکشمیر کے ضلع راجوری میں بھارتی فوج کا ایک اہلکار کنٹرول لائن پر ڈیوٹی کے دوران اونچائی سے پھسل کر گہری کھائی میں گرنے کے سبب ہلاک ہو گیا۔
کشمیر میڈیاسروس کے مطابق 27 سالہ رائفلمین سکھپریت سنگھ سندر بنی سیکٹر میں اونچائی سے گرنے سے ہلاک ہو گیا۔ لاش کو پوسٹ مارٹم کے لیے ہسپتال منتقل کیا گیا ۔ ہلاک ہونے والے فوجی کا تعلق بھارتی پنجاب سے تھا۔پولیس نے تفتیش شروع کر دی ہے۔
