(کشمیر میڈیا سروس)
نئی دلی 18جنوری(کے ایم ایس)
بھارتی ریاست مغربی بنگال میں گزشتہ روز ایک سیاسی تنازع کھڑا ہو گیا، جب دسویں جماعت کے امتحان میں طالب علموں کو بھارت کے نقشے پر "آزاد کشمیر” پر نشان لگانے کے لیے کہا گیاجبکہ ریاست کی حزب اختلاف کی جماعت بی جے پی نے مسلمانوں کو بدنام کرنے کیلئے پرچے میں آزاد کشمیرکے ذکر کو ایک” جہادی سازش” قراردیا ہے ۔
پرچے کی تصویر سوشل میڈیا پر وائرل ہوگئی ہے جس کے بعد بھارتی حکومت نے ریاستی حکومت سے دسویں جماعت کے سوالیہ پرچے میں "آزاد کشمیر” کے ذکر سے متعلق رپورٹ طلب کرلی ہے ۔اطلاعات کے مطابق مودی حکومت کی وزارت تعلیم نے مغربی بنگال کے بورڈ آف سیکنڈری ایجوکیشن کے دسویں جماعت کے پرچے میں آزاد کشمیر سے متعلق سوال کے بارے میں شائع ہونیوالی خبروں کا سخت نوٹس لیا ہے ۔ پرچے میں طلباء سے کہاگیا ہے کہ وہ بھارت کے نقشے پر ‘آزاد کشمیر’کی شناخت کریں۔وزارت نے اس بارے میں مغربی بنگال کے محکمہ تعلیم سے رپورٹ طلب کی ہے۔مغربی بنگال بورڈ آف سیکنڈری ایجوکیشن کے صدر رامانوج گنگولی نے اعتراف کیا ہے کہ ایک خود مختار ادارے کی طرف سے شائع کئے جانیوالے امتحانی پرچوں میں "گڑبڑ” ہوئی ہے۔ انہوں نے مزید کہا کہ غلطی کے ذمہ داروں کے خلاف کارروائی کی جا رہی ہے۔
تازہ ترین
- پاکستان مقبوضہ کشمیر میں انسانی حقوق کی سنگین پامالیوں کیخلاف آواز اٹھاتا رہے گا، ترجمان دفتر خارجہ
- نئی دلی :لوک سبھا سیکریٹریٹ نے راہل گاندھی کونااہل قراردے دیا
- بی جے پی کا فرقہ پرستی کا ایجنڈا کیرالہ میں کامیاب نہیں ہوگا، وزیر اعلیٰ پنارائی وجین
- بھارتی فوجیوں کے ہاتھوں کپواڑہ میں ایک کشمیری نوجوان شہید
- اپوزیشن جماعتوں نے تحقیقاتی اداروں کے غلط استعمال پرمودی حکومت کیخلاف سپریم کورٹ میں عرضداشت دائر کردی
- محمود ساغر کی طرف سے کشمیر بارے آرمی چیف جنرل عاصم منیر کے بیان کا خیرمقدم
- مقبوضہ کشمیرمیں انسانی حقوق کی پامالیوں میں شویشناک حد تک اضافہ ہو گیا ہے،رپورٹ
- اپوزیشن جماعتوں کو بی جے پی کا مقابلہ کرنے کیلئے متحد ہونا ہو گا، محبوبہ مفتی
- بھارتی پولیس نے امرت پال سنگھ کو پناہ دینے پر ہریانہ کی ایک خاتون کو گرفتار کرلیا
- بھارتی فوجیوں نے سوپور سے ایک کشمیری نوجوان گرفتار کر لیا