مظاہرے
مقبوضہ جموں وکشمیر : پولیس نے عام آدمی پارٹی کے متعدد کارکن گرفتار کر لیے
سرینگر 12 فروری (کے ایم ایس) بھارت کے غیر قانونی زیرقبضہ جموں و کشمیر میں بھارتی پولیس نے عام آدمی پارٹی (اے اے پی )کے متعدد کارکنوں کو سری نگر اور جموں میں بی جے پی دفتروں کے باہر احتجاج کے دوران گرفتار کر لیا۔
مظاہرین بھارتی بزنس ٹائیکون اڈانی کے بارے ہنڈنبرگ کی رپورٹ کی تحقیقات کا مطالبہ کر رہے تھے۔ اڈانی وزیر اعظم نریندر مودی کے انتہائی قریب سمجھے جاتے ہیںاور بی جے پی حکومت انکی بھر پور سرپرستی کر رہی ہے۔ہنڈنبرگ نے اپنی رپورٹ میں اڈانی پر تجارتی معاملات میں فراڈ اور دھوکہ دہی کے الزامات لگائے ہیں۔
