(کشمیر میڈیا سروس)
نئی دلی 22فروری (کے ایم ایس)
بھارتی وزارت داخلہ نے سینٹرل آرمڈ پولیس فورسز اور آسام رائفلز کو اپنی فورسز میں اہلکاروں کی کمی کے بارے میں تفصیلات فراہم کرنے کی ہدایت کی ہے ۔
کشمیر میڈیا سروس کے مطابق بھارتی پیراملٹری فورسز کو 83ہزار127سے زائد افسروں اور اہلکاروں کی کمی کا سامنا ہے۔بھارتی میڈیا کے مطابق فورسز اہلکاروں کی 83ہزار127خالی آسامیوں میں سے سینٹرل ریزرو پولیس فورس کو29ہزار283، بارڈر سیکیورٹی فورس کو 19ہزار 987اور سینٹرل انڈسٹریل سیکورٹی فورس کو 19ہزار 475اہلکاروں کی کمی کا سامنا ہے ۔ بھارتی وزارت داخلہ نے سینٹرل آرمڈ پولیس فورسز اور آسام رائفلز کے تمام ڈائریکٹر جنرلز سے کہا ہے کہ وہ اپنی فورسز میں اہلکاروں کی کمی کے بارے میں تفصیلات فراہم کریں اور انہیں ان خالی آسامیوں کو پرُکرنے کے لیے کیے گئے اقدامات کی تفصیلات بھی دینے کی ہدایت کی گئی ہے۔وزارت نے پہلے ہی اس سلسلے میں سی آر پی ایف، بی ایس ایف، سی آئی ایس ایف، انڈو تبتین بارڈر پولیس، ساشاستر سیما بل اور آسام رائفلز کے ڈی جی کو ایک خط بھیجا ہے۔رواں ماہ کے آغاز میں بھارت کے وزیر مملکت برائے داخلہ نتیانند رائے نے راجیہ سبھا کو بتایا تھاکہ فورسز میں خالی آسامیوں کو پر کرنے کے لیے اقدامات کئے جارہے ہیں ۔ انہوں نے ایوان بالا کو بتایا کہ حکومت 2023 میں اس عمل کو مکمل کرنے کا ارادہ رکھتی ہے۔
تازہ ترین
- اقوام متحدہ فلسطین ، کشمیر میں انسانی حقوق کی خلاف ورزیوں کا موثر نوٹس لے، نگران وزیر اعلیٰ سندھ
- پاکستان کا کشمیریوں ،فلسطینیوں کی دلیرانہ جدوجہد کی حمایت جاری رکھنے کے عزم کا اعادہ
- کشمیر ، فلسطین تنازعہ حل کیے بغیر دنیا میں امن قائم نہیں ہوسکتا، مقررین
- فسطائی مودی حکومت بھارت میں اقلیتوں کے حقوق کی سنگین خلاف ورزی کر رہی ہے: ماہرین
- دفعہ370کے حوالے سے بھارتی سپریم کورٹ کے فیصلے سے قبل مقبوضہ جموں وکشمیرمیں سکیورٹی مزید سخت
- دنیا کشمیریوں کی حالت زار کا نوٹس لے : کل جماعتی حریت کانفرنس آزادکشمیر شاخ
- بھارت مقبوضہ جموں وکشمیرمیں بدترین قسم کی ریاستی دہشت گردی کا مرتکب ہو رہا ہے: صدر علوی
- بھارتی قبضے سے آزادی مقبوضہ جموں و کشمیر کی اصل منزل ہے : مشعال ملک
- بھارت مقبوضہ جموں وکشمیرمیں انسانی حقوق کے قوانین کی خلاف ورزی کر رہا ہے: وزیر اعظم پاکستان
- مقبوضہ جموں وکشمیر میں آتشزدگی کے دو واقعات میں 13دکانیں جل کر خاکستر
