مقبوضہ جموں و کشمیر
مقبوضہ جموں وکشمیر: نامعلوم مسلح افراد کی فائرنگ سے شہری زخمی
سرینگر 24 فروری (کے ایم ایس)بھارت کے غیر قانونی زیر قبضہ جموں و کشمیر کے ضلع اسلام آباد میں آج شام نامعلوم مسلح افراد کی فائرنگ سے ایک شہری زخمی ہوگیا۔
مسلح افراد نے ضلع کے علاقے بجبہاڑہ میں حسن پورہ کے مقام پر آصف علی گنائی نامی شہری پر فائرنگ کی جس سے وہ زخمی ہو گیا۔ زخمی شہری کو علاج کے لیے سب ڈسٹرکٹ ہسپتال بجبہاڑہ منتقل کیا گیا۔
بھارتی فوجیوں اور پولیس اہلکاروں نے حملہ آوروں کی تلاشی کیلئے علاقے کو گھیرے میں لے لیاہے ۔
