(کشمیر میڈیا سروس)
سرینگر16 مارچ(کے ایم ایس)
غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے اقوام متحدہ کے سیکرٹری جنرل انتونیو گوتریس سے مطالبہ کیا ہے کہ وہ جنوبی ایشیا کے خطے میں بڑی ایٹمی تباہی کو روکنے کے لیے دیرینہ تنازعہ کشمیر کے حل کیلئے فوری مداخلت کریں۔
کل جماعتی حریت کانفرنس کے ترجمان نے کشمیر میڈیا سروس کو ایک انٹرویو میں خبردار کیاکہ تنازعہ کشمیر کو مسلسل نظر انداز کرنے اور مقبوضہ علاقے میں بھارتی قابض افواج کے ہاتھوں بڑے پیمانے پر انسانی حقوق کی خلاف ورزیوں نے خطے میں ایٹمی جنگ کے خطرے کو بڑھا دیا ہے۔ انہوں نے کہا کہ جموں و کشمیر اقوام متحدہ کا تسلیم شدہ متنازعہ علاقہ ہے اور عالمی دارے کی ذمہ داری ہے کہ وہ اس دیرینہ تنازعے کوسلامتی کونسل کی متعلقہ قراردادوںکے مطابق حل کرائے ۔ انہوں نے مزید کہا کہ نہ صرف عالمی برادری بلکہ بھارت اور پاکستان دونوں نے بھی جموں و کشمیر کے عوام کو انکاحق خودارادیت دینے کا وعدہ کیاتھا۔ تاہم کشمیری گزشتہ سات دہائیوں سے مسلسل اپنے اس حق سے مسلسل محروم ہیں۔انہوں نے زور دیا کہ اس تنازعہ کا کشمیری عوام کی خواہشات کے مطابق حل اقوام متحدہ کی اولین ترجیح ہونی چاہیے۔عالمی برادری کی بے حسی پر افسوس کا اظہار کرتے ہوئے حریت ترجمان نے کہا کہ جموں و کشمیر دنیا کی توجہ کااس لیے مرکز نہیں بن سکتا کیونکہ اس کے پاس تیل کے ذخائر موجود نہیں ہیں۔
تازہ ترین
- متحدہ مجلس علماء کا مولانا رحمت اللہ قاسمی کو این آئی اے کی جانب سے طلب کئے جانے پر اظہار تشویش
- بی جے پی مخالف لہرچل پڑی ہے کیونکہ لوگ بھارت میں تبدیلی چاہتے ہیں: شرد پوار
- کپواڑہ میں بھارتی فوج کی محاصرے اورتلاشی کی کارروائی
- اورنگزیب اور ٹیپو سلطان کے بارے میں سوشل میڈیا پوسٹ پرمہاراشٹر میں مسلم مخالف تشدد
- امیت شاہ آئیں اورپنجاب میں جذبہ آزادی دیکھیں:خالصتان نواز رہنما کا چیلنج
- بھارت:اتراکھنڈ میں مسلم خاندانوں پر تشدد، بے دخلی کے نوٹس پر آئی اے ایم سی کا شدید ردعمل
- جموں: حادثاتی فائرنگ کے نیتجے میں دو بھارتی فوجی زخمی
- مودی حکومت مقبوضہ جموں وکشمیر میں ترقی کا جھوٹا بیانیہ پیش کر رہی ہے
- اتر پردیش :نماز کیلئے بس روکنے پر 2 سرکاری ڈرائیور معطل
- نئی دلی :منی پور کی” کوکی برادری“ کے ارکان کا امیت شاہ کی رہائش گاہ کے باہر احتجاج