اتر پردیش : دلت جوڑے کو پیٹ پیٹ کر ہلاک کردیا گیا

لکھنو29 جون (کے ایم ایس) بھارتی ریاست اتر پردیش کے ضلع علی گڑھ میں انتہا پسند ہندوﺅں نے ایک دلت جوڑے کو پیٹ پیٹ کرقتل جبکہ ان کے تین بچوں کو زخمی کر دیا۔
کشمیر میڈیاسروس کے مطابق دلت برادری کے جوگیندر ، اسکی بیوی سردیش اور انکے بچوں پرگاﺅں میں موجود ایک نالے کے پل پر سے گزرنے کی وجہ سے حملہ کیا گیا۔ حملہ آور ان پر لاٹھیوں اور کلہاڑیوں سے پل پڑے جس کے باعث جوگیندر کی موقع پر موت واقع ہو گئی جبکہ سرویش اور اسکے بچے سونو ، وشال اور ڈولی زخمی ہو گئے ۔ سرویش کی ہسپتا ل میں علاج کے دوران موت ہو گئی۔پولیس کا کہنا ہے کہ یہ واقعہ پرانی دشمنی کا نتیجہ ہے ۔ پولیس کے مطابق گاﺅں والو ں کے درمیان نالے کی باپت گزشتہ دو برس سے تنازعہ چلا آرہا ہے۔پولیس نے واقعے کے دو مجرموں جتیندر اور اجے کو گرفتار کر لیا ہے۔