بھارت
بھارت: ہوٹل عملے نے غریب خاتون کو بھوکے بچے کیلئے دودھ مانگنے پر بے دردی سے ماراپیٹا
بھوپال 02ستمبر(کے ایم ایس)بھارتی ریاست مدھیہ پردیش کے شہر ساگرمیں ایک ہوٹل کے عملے نے ایک غریب عورت کو اپنے بھوکے بچے کیلئے دودھ مانگنے پربے دردی سے مار اپیٹا ۔
ہوٹل عملے نے خاتون کو گھسیٹا ،لاٹھیوں سے پیٹا اور چہرے پر لاتیں مار یں۔ خاتون کا پانچ ماہ کا بچہ زمین پر پڑا روتا رہا۔واقعے کی ایک ویڈیو بھی وائرل ہوئی ہے جس میں ملزموں کو بس اسٹینڈ پر واقع ایک ہوٹل کے سامنے خاتوں کو بے دردی سے تشدد کا نشانہ بناتے ہوئے دیکھا جاسکتا ہے۔پولیس نے ویڈیو وائرل ہونے کے بعد تین افراد26سالہ پروین رائکوار،20سالہ وکی یادو اور40سالہ راکیش پرجاپتی کو گرفتار کر لیا۔یہ واقعہ 31اگست کی درمیانی رات کو پیش آیا ہے۔
