گروگرام:مسلم شخص پراسرار حالت میں مردہ پایا گیا

چندی گڑھ02ستمبر(کے ایم ایس)
بھارتی ریاست ہریانہ کے شہر گروگرام میں ایک مسلم شخص پر اسرار حالت میں مردہ پایا گیا ہے۔
ہریانہ کے علاقے تپکان کا رہائشی رزاق خان بکریوں کو فروخت کرنے کے لیے گروگرام گیا تھا ۔ رزاق خان کے اہلخانہ نے کہا ہے کہ اسکا بہیمانہ قتل کر دیا گیا ہے۔رزاق کے بڑے بیٹے شاکر خان نے ذرائع ابلاغ کو بتایا کہ ان کے والد کو قتل کر دیا گیا۔ انہوں نے کہا کہ والد کی لاش کے پاس ہی اسکا آٹو رکشہ بھی پایا گیا ، انکا والد ایک سیدھا سادھا آدمی تھا اور آٹو رکشہ چلا کر روزگار حاصل کر رہا تھا۔انہوں نے کہاکہ میر ے والد کو قتل کیا گیا ہے اورہم انصاف کا مطالبہ کرتے ہیں۔پولیس نے مقدمہ درج کر کے تحقیقات شروع کر دی ہیں۔