بھارت
راجستھان : سسرال والوں کا خاتون پر تشدد ، برہنہ کیا
جے پور 02 ستمبر (کے ایم ایس) بھارت میں خواتین کے خلاف جرائم کے ایک اور واقعے میں ریاست راجستھان میں ایک قبائلی خاتون کو مارا پیٹا گیا اور برہنہ کر دیا گیا۔
راجستھان کے ضلع پرتاپ گڑھ میں ایک قبائلی خاتون کو اس کے شوہر اور سسرال کے دیگر افراد نے مارا پیٹا اور برہنہ کر دیا۔ یہ واقعہ ایک ویڈیو وائرل ہونے کے بعد سامنے آیا۔ متاثرہ خاتون کی شادی ایک سال قبل ہوئی تھی۔
پرتاپ گڑھ پولیس کے ڈائریکٹر جنرل (ڈی جی پی) امیش مشرا نے کہا کہ خاتون کے سسرال والوں کا کہنا ہے کہ وہ اپنے شوہر کو چھوڑ کر دوسرے علاقے میں ایک اور شخص کے ساتھ رہ رہی تھی۔ سسرال والے اسے اغوا کر کے اپنے گاو¿ں لے آئے جہاں انہوں نے اسے مارا پیٹا اور برہنہ کیا۔پولیس کا کہنا ہے کہ اس نے خاتون کے شوہر کے علاوہ دیگر دو افراد کو گرفتار کرلیاہے
