پاکستان
اقوام متحدہ کی جنرل اسمبلی میں تنازعہ کشمیر پر پاکستان کاموقف بھرپور طورپر اجاگر کروں گا،نگران وزیر اعظم
اسلام آباد 19ستمبر (کے ایم ایس)
نگراں وزیراعظم انوار الحق کاکڑ نے کہا ہے کہ وہ اقوام متحدہ کی جنرل اسمبلی میں تنازعہ کشمیر پر پاکستان کا موقف بھرپور طریقے سے پیش کریں گے۔
نیویارک میں اقوام متحدہ کی 78ویں جنرل اسمبلی میں شرکت سے قبل ایک نجی نیوز چینل کے ساتھ اپنے انٹرویو میں وزیراعظم نے کہا کہ اقوام متحدہ نے پہلے ہی جموںو کشمیر کے متنازعہ علاقے کے مستقبل کافیصلہ رائے شماری کے ذریعے کرنے کافیصلہ کیا ہے ۔اے پی پی کے مطابق انہوں نے کہا کہ بھارت میں خالصتان سمیت علیحدگی کی متعدد تحریکیں چل رہی ہیں اور پاکستان بھی ریاست جوناگڑھ کا دعویدار ہے۔
