مقبوضہ جموں و کشمیر
ادھم پور میں وی ڈی سی اہلکار کی خودکشی
جموں24ستمبر(کے ایم ایس) غیر قانونی طور پر بھارت کے زیر قبضہ جموں و کشمیر میں ضلع ادھم پور کی تحصیل لٹی میں نام نہاد دیہی کی دفاعی کمیٹی(وی ڈی سی) کے ایک رکن نے اپنی سروس رائفل سے خود کو گولی مار کر خودکشی کر لی۔
کشمیرمیڈیاسروس کے مطابق پولیس کے ایک سینئر افسر نے واقعے کی تصدیق کرتے ہوئے خودکشی کرنے والے اہلکارکی شناخت 50سالہ بابو رام کے نام سے کی ہے جو ڈڈو گائوں کا رہائشی تھا۔انہوں نے کہا کہ خودکشی کی وجہ کا پتہ لگایا جا رہا ہے اور اس سلسلے میں مقدمہ درج کر لیا گیا ہے۔
