بھارت
امریکہ میں بھارتی سفارتخانے کے سامنے سکھوں کا احتجاجی مظاہرہ
واشنگٹن:امریکہ میں بھارتی سفارتخانے کے سامنے سکھوں نے احتجاجی مظاہرہ کیا جس میں مختلف ریاستوں سے آئے سکھوں کی بڑی تعداد نے شرکت کی۔
کشمیر میڈیاسروس کے مطابق مظاہرین نے خالصتان کے حق میں اوربھارت کے خلاف نعرے لگائے ۔مظاہرین نے امریکہ سے مطالبہ کیاکہ وہ بھارت میں سکھوں پر مظالم بند کرانے کے لئے مودی حکومت پر دبائو ڈالے۔ مظاہرین نے سکھوں کی آزاد ریاست” خالصتان” کے قیام کی کھل کر حمایت کرنے کا بھی مطالبہ کیا۔مظاہرین نے کینیڈا میں قتل کئے گئے خالصتان نوازرہنما ہردیپ سنگھ نجر کے لواحقین کو انصاف دلوانے کا بھی مطالبہ کیا۔
