مقبوضہ جموں و کشمیر
بی جے پی حکومت مقبوضہ کشمیر میں امن وامان کی بحالی میں ناکا م ہو چکی ہے، نیشنل کانفرنس
سرینگر : بھارت کے غیر قانونی زیرقبضہ جموںوکشمیر میں نیشنل کانفرنس کے رہنما لال گپتا نے کہا ہے کہ بی جے پی کی بھارتی حکومت بھارت کے غیر قانونی زیر قبضہ جموںوکشمیر میں امن وامان کی بحالی میں مکمل طور ناکا م ہو چکی ہے اور اس نے علاقے کو ایک غیر یقینی سیاسی صورتحال کا شکار کر دیا ہے۔
لال گپتا نے ایک بیان میں کہا کہ بھارتیہ جنتاپارٹی کے رہنما مقبوضہ جموںوکشمیر میں حالات معمول پر آنے اور امن و امان قائم ہونے کے بلند بانگ دعوے کر رہے ہیں لیکن علاقے کی زمینی صورتحال ان دعوﺅں کی نفی کر رہی ہے۔ انہوںنے کہا کہ بی جے پی کو اپنی ناقص کارکردگی کا خوف ہے اور وہ علاقے میں انتخابات میں تاخیر کے بہانے ڈھونڈ رہی ہے ۔ لال گپتا نے کہا کہ بی جے پی دور حکومت میں جموںوکشمیر میں بدعنوانی میں نمایاں اضافہ ہوا ہے، بے روزگار اور مہنگائی میں اضافہ ہوا ہے۔
