بھارت
اترپردیش : لاپتہ سی آر پی ایف اہلکار کی لاش برآمد
نئی دلی: بھارتی ریاست اتر پردیش سے لاپتہ بھارتی پیراملٹری سینٹرل ریزرو پولیس فورس کے ایک اہلکار کی لاش ملی ہے۔
کشمیر میڈیا سروس کے مطابق ایک پولیس اہلکار نے میڈیا کو بتایاہے کہ 28سالہ بھارتی سی آر پی ایف اہلکار سدھارتھ چودھری 14نومبر کو دیوالی کی چھٹی کے دوران لاپتہ ہو گیا تھا اور اس کی لاش شاملی ضلع میں ہریانہ-اتر پردیش کی سرحد پر دریائے یمنا سے ملی ہے۔انہوں نے مزید بتایا کہ پولیس اہلکار کی لاش کو پوسٹ مارٹم کے لیے ہسپتال منتقل کردیا گیا ہے اور اس کی ہلاکت کی وجہ جاننے کیلئے تفتیش جاری ہے ۔
