مقبوضہ جموں و کشمیر
باراتیوں کو لے جانے والی گاڑی دریا میں گرنے سے سات افراد زخمی
جموں: غیر قانونی طور پر بھارت کے زیر قبضہ جموں و کشمیر میں ضلع پونچھ کے علاقے منڈی میں ایک گاڑی دریا میں گرنے سے اس میں سوارکم از کم سات باراتی زخمی ہو گئے۔
کشمیرمیڈیاسروس کے مطابق گاڑی سوجیان ہائر سیکنڈری سکول کے قریب دریا میںجاگری جس کے نتیجے میں اس میں سوار سات افراد زخمی ہو گئے۔زخمیوں کی شناخت 52سالہ محمد لطیف، 42سالہ محمد عظیم، محمد افضل اوران کی بیٹی، 25سالہ محمد قیوم،52سالہ گل خان،47سالہ محمد ایوب اور 22سالہ سجاد احمدکے طورپر ہوئی ہے ۔ یہ تمام لوگ براری سوجیان کے رہائشی ہیں۔زخمیوں کو فوری طبی امداد کے لیے سب ڈویژنل ہسپتال منڈی منتقل کر دیا گیا ہے۔
