مقبوضہ جموں و کشمیر
بھارتی پولیس نے بارہمولہ سے تین نوجوان گرفتار کر لئے
سرینگر:غیر قانونی طور پر بھارت کے زیر قبضہ جموں و کشمیر میں بھارتی پولیس نے اتوار کو ضلع بارہمولہ سے تین نوجوانوں کو گرفتار کر لیا۔
کشمیر میڈیا سروس کے مطابق پولیس نے نوجوانوں کو ضلع کے علاقے کلگئی میں محاصرے اور تلاشی کی ایک کارروائی کے دوران گرفتار کیا ۔ گرفتارنوجوانوں کی شناخت ضمیر احمد کھانڈے، محمد نسیم اور منظور احمد بھٹی کے ناموں سے ہوئی ہے۔ پولیس نے نوجوانوں کی غیر قانونی گرفتاری کا جواز پیش کرنے کے لئے انہیں مجاہد تنظیموں کے کارکن قراردیا اوردعویٰ کیاکہ ان سے اسلحہ اور گولہ بارود برآمدکیاگیا ہے۔
