دل خالصہ کا بھارتی سپریم کورٹ کے فیصلے پر شدید ردعمل
امرتسر:
سکھوں کی تنظیم دل خالصہ کے رہنماکنور پال سنگھ نے مقبوضہ جموں و کشمیر کی خصوصی حیثیت کی منسوخی کے نریندر مودی حکومت کے غیر قانونی اقدام کی توثیق سے متعلق بھارتی سپریم کورٹ کے فیصلے پرشدید ردعمل ظاہرکیاہے۔
کشمیرمیڈیاسروس کے مطابق کنور پال سنگھ نے امرتسر میں جاری ایک بیان میں کہاکہ بھارتی عدلیہ اس حقیقت کو کیسے نظر انداز کر سکتی ہے کہ تنازعہ کشمیر ابھی تک اقوام متحدہ کی سلامتی کونسل کے ایجنڈے پرموجو ہے؟انہوں نے کہاکہ بھارتی سپریم کورٹ بھی سیاست سے بالاتر نہیں ہے اور دفعہ 370کو منسوخ کرنے کے بھارتی حکومت کے غیر قانونی اقدام کی توثیق سے متعلق بھارتی سپریم کورٹ کا فیصلہ پہلے سے ہی متوقع تھااور یہ سوچنابھی بے وقوفی ہے کہ سپریم کورٹ مودی حکومت کے اس یکطرفہ فیصلے کو کالعدم قراردیگی ۔انہوں نے کہاکہ کشمیری عوام کو گزشتہ کئی دہائیوں سے اپنے بنیادی حقوق سے محروم ہیں ۔
