بھارت
گجرات:بھارتی سی آر پی ایف اہلکار نے خودکشی کر لی
بھائو نگر:بھارتی ریاست گجرات میں سینٹرل ریزرو پولیس فورس کے ایک اہلکار نے خودکشی کرلی ہے۔
کشمیرمیڈیاسروس کے مطابق 24سالہ سی آر پی ایف اہلکار اجے واگھیلا نے ضلع بھائو نگر میں پالیتانہ گائوں کے علاقے موتی پنیالی کے ایک سرکاری سکول میں پھندہ لگا کر خودکشی کی۔پالیتانہ پولیس اسٹیشن کے ایک اہلکار نے میڈیا کو بتایاہے کہ سی آر پی ایف اہلکار کی لاش اسکے گھر کے قریب اسکول کی عمارت میں چھت سے لٹکی ہوئی پائی گئی ۔انہوں نے کہا کہ واگھیلا ریاست اتر پردیش کے علاقے امیٹھی میں سی آر پی ایف ٹریننگ سینٹر میں زیر تربیت تھا اور چھٹی پر اپنے گائوںآیاتھا۔ پولیس اہلکار نے بتایا کہ سی آر پی ایف اہلکار نے گزشتہ شب مبینہ طور پر خود کشی کی ۔انہوں نے مزید کہا کہ لاش کو پوسٹ مارٹم کے لیے ہسپتال منتقل کردیاگیا ہے۔
