جموں: بھارتی فوج کا لیفٹیننٹ کرنل سڑک حادثے میں ہلاک
جموں 03 نومبر (کے ایم ایس)
بھارت کے غیر قانونی زیر قبضہ جموں وکشمیر میں بھارتی فوج کا ایک لیفٹیننٹ کرنل ضلع ادھمپور میں سڑک حادثے میں ہلاک ہو گیا ہے۔
بھارتی فوج کا لیفٹیننٹ کرنل کے سدھارتھ نارائن جو چندی گڑھ سے ادھمپور جاتے ہوئے لاپتہ ہو ا تھاکی جیپ ادھم پور کے قریب دھار روڈ پر درسو کے قریب گہری کھائی میں گرنے سے ہلاک ہو گیا ۔K Siddarth Narayan ہیڈ کوارٹرز ایئر فورس سٹیشن ادھمپور میں تعینات تھا۔
بھارتی دفاعی ترجمان نے کہا کہ لیفٹیننٹ کرنل اتوار کو چندی گڑھ سے ادھم پور جا رہا تھا کہ اس دوران لاپتہ ہو گیا۔ پیر کو ان کی یونٹ کے اہلکاروں نے تلاش شروع کر دی اور اس دوران انکی گاڑی گزشتہ شام درسو کے قریب گہری کھائی میں پڑی ہوئی ملی۔ لیفٹیننٹ کرنل کی لاش پوسٹ مارٹم کے بعد آبائی شہر روانہ کر دی گئی۔
دریں اثناضلع کپواڑ ہ کے علاقے دار پورہ میں ایک 55سالہ شخص موٹر سائیکل کی ٹکر لگنے کے باعث جاں بحق ہو گیا۔
