بھارت
بھارت :منی پور میں بھارتی فوجی کی اپنے ساتھیوں پر فائرنگ کے بعد خودکشی، 6فوجی زخمی
امپھال:
بھارت کی شورش زدہ ریاست منی پورمیں کوکی قبیلے سے تعلق رکھنے والے ایک بھارتی فوجی نے اپنے ساتھیوں پر فائرنگ کرکے خودکشی کرلی،فائرنگ سے چھ فوجی زخمی ہوگئے۔
کشمیر میڈیا سروس کے مطابق آسام رائفلز سے وابستہ فوجی نے میانمار کی سرحد کے قریب جنوبی منی پور میں ضلع چندیل کے علاقے ساجک تمپک میں قائم ایک کیمپ میں خود کو گولی مارنے سے پہلے اپنے ساتھیوں پر گولی چلائی۔آسام رائفلز کے بیان میں کہا گیا ہے کہ تمام زخمیوں کو علاج کے لیے فوجی اسپتال منتقل کیا گیا ہے اور ان کی حالت مستحکم بتائی گئی ہے۔ بیان میں کہاگیاکہ خودکشی کرنے والے فوجی اہلکار کا تعلق کوکی قبیلے سے تھا اور وہ چھٹی کے بعد20جنوری کو واپس آیا تھا۔
