مقبوضہ کشمیر: سڑک حادثے میں 7افراد کی جانیں ضائع، آتشزدگی کے واقعے میں معمر شخص جان بحق
سرینگر: بھارت کے غیر قانونی زیر قبضہ جموں و کشمیر میں سڑکوں کی خستہ حالی میں تشویشناک حد تک اضافہ ہوا ہے ۔آج ضلع بارہمولہ میں ایک مسافر گاڑی کو المناک حادثہ پیش آیا، جس کے نتیجے میں سات افراد جان بحق اور آٹھ شدید زخمی ہوگئے۔
کشمیرمیڈیاسروس کے مطابق گاڑی ضلع کے علاقے اوڑی کے علاقے بونیار میں گہری کھائی میں جاگری۔سینئر سپرنٹنڈنٹ پولیس (ایس ایس رویندر پال سنگھ نے افسوسناک واقعے کی تصدیق کرتے ہوئے کہا کہ مرنے والوں کی لاشیں برآمد کر لی گئی ہیں جبکہ زخمیوں کو طبی امداد کے لیے بارہمولہ کے ایک ہسپتال میں منتقل کر دیا گیا ہے۔
دریں اثنا آج( بدھ ) شام سری نگر کے علاقے جواہر نگر میں آتشزدگی کے واقعے ایک معمر شخص جھلس کر جانبحق ہو گیا۔ایک افسر نے بتایا کہ آگ جواہر نگر میں تین منزلہ رہائشی مکان کی نچلی منزل میں لگی۔ انہوں نے مزید کہا کہ آگ کے ملبے کی صفائی کے دوان 75سالہ بشیر احمد کی لاش برآمد ہوئی۔KMS
