آسام : تصادم میں منی پور پولیس کے سات زیر تربیت اہلکار زخمی
گولاگھاٹ (آسام): شورش زدہ بھارتی ریاست آسام میں منی پور پولیس کے کم از کم سات زیر تربیت اہلکار ایک تصادم میں زخمی ہوگئے۔
یہ اہلکار آسام کے ضلع گولاگھاٹ میں لچیت کی پولیس اکیڈمی میں تربیت کے دوران دو گروپوں کے درمیان تصادم کے دوران زخمی ہو گئے۔یہ واقعہ ہفتے کے روز رات کے کھانے کے دوران پیش آیا۔ ایک زیر تربیت اہلکار نے مقامی بازار سے شراب کی ایک بوتل اکیڈمی میں لائی تھی۔ بتایا جاتاہے کہ شراب کی بوتل پر ہونے والی تلخ کلامی تصاد م کی شکل اختیار کر گئی ۔ تصاد میں منی پور سے تعلق رکھنے والے سات اہلکار زخمی ہو گئے ۔ زخمیوں میں سے تین کو علاج کیلئے جورہاٹ میڈیکل کالج میں داخل کیا گیا جبکہ چار معمولی زخمیوں کو مقامی ہسپتال میں طبی امداد کے بعد دسچارج کیا گیا۔
دریں اثنا،ریاست تلنگانہ میں بھارتی ائر فورس کا ایک افسر ہرویر چودھری ایک طیارے کی مرمت کے دوران سر میں چوٹ لگنے کیوجہ سے ہلاک ہو گیا۔
