مقبوضہ کشمیر : راجوری میں دھماکے سے سکول کی2طالبات زخمی
جموں: غیر قانونی طورپر بھارت کے زیر قبضہ جموں وکشمیر کے ضلع راجوری میں ایک دھماکے میں سکول کی 2 طالبات زخمی ہو گئی ہیں۔
کشمیرمیڈیاسروس کے مطابق ضلع کے علاقے ڈونگی برہمنہ میں ایک دھماکہ میں 10سالہ تصویر کوثراور15سالہ صائمہ کوثر زخمی ہو گئیں۔سرکاری حکام کے مطابق علاقے میں اسکول سے واپسی پر دونوں طالبات کو نامعلوم شے ملی جو انکے ہاتھوں میں دھماکے سے پھٹ گئی ۔ ابتدائی طور پر یہ خیال کیا جارہا تھا کہ دونوں بچیوں کے ہاتھ کسی پٹاخے کے پھٹنے کی وجہ سے زخمی ہو ئے ہیں تاہم ڈاکٹروں کے مطابق ان کے ہاتھوں کو پہنچے والے زخم پٹاخے کے نہیں بلکہ کم شدت کے دھماکہ خیزمواد کے پھٹنے کے ہوسکتے ہیں ۔ واقعے کے بعد بھارتی فوجیوں نے علاقے کامحاصرہ کر کے تلاشی کی کارروائی شروع کر دی۔ فوجیوں نے کارروائی کے دوران 2 درجن سے زائد ڈیٹونیٹرز برآمد کرنے کا دعویٰ کیا ہے ۔ آخری اطلاعات ملنے تک علاقے میں تلاشی کی کارروائی جاری تھی ۔
ادھر سرینگر کے علاقے جمالٹہ میں آگ لگنے سے ایک کشمیری بشیر احمد جاں بحق ہو گیا ہے ۔
