مقبوضہ جموں و کشمیر
مقبوضہ جموںوکشمیر :مودی حکومت نے ایک اور کشمیری ملازم کو برطرف کر دیا
سری نگر:نریندر مودی کی زیر قیادت بی جے پی کی فرقہ پرست بھارتی حکومت نے کشمیریوں کے خلاف اپنی معاندانہ پالیسی جاری رکھتے ہوئے مقبوضہ جموں وکشمیرمیں ایک اور سرکاری ملازم کو برطرف کر دیا ہے۔
کشمیرمیڈیاسروس کے مطابق محکمہ تعلیم میں کام کرنے والے ضلع کولگام کے رہائشی ملازم منظور احمد لاوے کو آئین کی دفعہ 311کے تحت برطرف کیا گیا۔ اس دفعہ کے تحت کسی ملازم کو بغیر کسی تحقیقات کے برطرف کیا جاسکتا ہے۔قابض بھارتی انتظامیہ نے دعویٰ کیا ہے کہ منظور احمد لاوے کو بھارتی مفادات کے منافی سرگرمیوں پر برطرف کیا گیا۔
یاد رہے کہ کہ مودی حکومت مقبوضہ علاقے میں پہلے ہی درجنوں سرکاری ملازمین کو تحریک آزادی کی حمایت کے الزامات میں برطرف کر چکی ہے۔
