جموں
پونچھ میں لاپتہ ہونے والے نوجوان کی لاش برآمد
جموں: غیر قانونی طور پر بھارت کے زیر قبضہ جموں و کشمیر کے ضلع پونچھ سے لاپتہ ہونے والے ایک نوجوان کی لاش برآمد ہوئی ہے۔
کشمیرمیڈیاسروس کے مطابق 28سالہ لاپتہ نوجوان امتیاز احمد جو تحصیل منڈی کے گائوں دونوگام کا رہائشی تھا، 23اپریل سے لاپتہ تھا۔ ایک پولیس افسر نے بتایا کہ مقامی لوگوں نے دونوگام کے علاقے میں ا یک پہاڑی پر ایک لاش دیکھی ، جس کے بعد لاپتہ نوجوان کے اہل خانہ اور پولیس موقع پر پہنچی ۔انہوں نے کہاکہ جائے وقوعہ کا معائنہ کرنے کے بعد لاش کو ضلع اسپتال پونچھ منتقل کیاگیا جہاں قانونی کارروائی کے بعد لاش کو آخری رسومات کے لیے اہل خانہ کے حوالے کر دیا گیا۔ پولیس حکام نے بتایا کہ تفتیش کی کارروائی شروع کر دی گئی ہے ۔
