مقبوضہ جموں و کشمیر
مقبوضہ جموں وکشمیرمیں سڑک حادثے میں بھارتی فوجی ہلاک، 9زخمی
سرینگر: غیر قانونی طور پر بھارت کے زیر قبضہ جموں و کشمیر میں ضلع اسلام آباد کے علاقے ویری ناگ میں ایک فوجی گاڑی کھائی میں گرنے سے ایک بھارتی فوجی ہلاک اور 9دیگر اہلکار زخمی ہو گئے۔
کشمیر میڈیا سروس کے مطابق ایک سرکاری عہدیدارنے بتایا کہ فوج کی 19 آر آر کی گاڑی بٹہ گنڈ ویریناگ کے مقام پر سڑک سے پھسل کر ایک کھائی میں جاگری۔انہوں نے کہاکہ اب تک ایک فوجی کی ہلاکت کی تصدیق ہوئی ہے جبکہ نو دیگر شدید زخمی ہیں۔ عہدیدار نے بتایا کہ تمام زخمی فوجیوں کو علاج کے لیے قریبی اسپتال لے جایا گیا ہے۔
