جموں
سڑک حادثات میں ٹریکٹر ڈرائیور جاں بحق، دو زخمی
جموں: غیر قانونی طور پر بھارت کے زیر قبضہ جموں و کشمیر میں دو مختلف سڑک حادثات میں ایک ٹریکٹر ڈرائیور جاں بحق اور ایک بھارتی پیراملٹری اہلکار سمیت دو افراد زخمی ہو گئے۔
کشمیرمیڈیاسروس کے مطابق ضلع پونچھ کے علاقے بلنوئی میں ایک ٹریکٹر ڈرائیور جس کی شناخت محمد ظاہر کے نام سے ہوئی ہے، ایک حادثے میں جاں بحق ہو گیا۔ پولیس نے موقع پر پہنچ کر لاش کو اسپتال منتقل کردیا۔
دریں اثناء ضلع رامبن میں کنفر ٹنل کے اندر بھارتی پیراملٹری سینٹرل ریزرو پولیس فورس( سی آر پی ایف) کی گاڑی اور ایک ٹرک کے درمیان تصادم کے نتیجے میں سینٹرل ریزرو پولیس فورس کا ایک اہلکار اور ٹرک ڈرائیور زخمی ہوگیا۔دونوں کو علاج کے لیے رامبن کے ڈسٹرکٹ ہسپتال منتقل کیا گیا۔
