بھارت
کرناٹک : بس اور ٹرک کے درمیان تصادم میں 13افراد ہلاک
نئی ہلی:بھارتی ریاست کرناٹک میں ایک بس اور ٹرک کے درمیان تصادم میں 13 افراد ہلاک اور 4 زخمی ہوگئے ہیں۔
کشمیرمیڈیاسروس کے مطابق کرناٹک کے ضلع ہاویری ضلع کے بیاڈگی تعلقہ میں گنڈے نہلی کراس کے قریب اس وقت پیش آیا۔جب مندر میں پوجا کے بعد واپس جانیوالے ایک بس کھڑے ہوئے ایک ٹرک سے ٹکرا گئی جس میں گنے لدے ہوئے تھے ۔ بس میں17افراد سوار تھے۔ حادثے کے نتیجہ میں 11افراد موقع پر ہی دم توڑ گئے جبکہ 2ہسپتال میں زخموں کی تاب نہ لاتے ہوئے چل بسے ۔ حادثے میں4 افراد زخمی بھی ہو ئے ہیں جن کی حالت تشویشناک بتائی جا رہی ہے ۔پولیس نے بتایا کہ ہلاک ہونے والوں میں 7خواتین، 4 مرد، ایک لڑکی اور ایک بچہ شامل ہے /لاشوں کو پوسٹ مارٹم کے لیے ڈسٹرکٹ ہسپتال منتقل کر دیا گیا ہے۔
