World
امریکی عدالت نے سکھ رہنما کے قتل کی سازش پرقومی سلامتی کے بھارتی مشیر اجیت ڈوول کو طلب کر لیا
واشنگٹن : ایک امریکی عدالت نے خالصتانی رہنما گروپتونت سنگھ پنن کے قتل کی سازش پر قومی سلامتی کے بھارتی مشیر اجیت ڈوول کو طلب کر لیا ہے۔
کشمیرمیڈیاسروس کے مطابق گروپتونت سنگھ پنن نے اپنے قتل کی سازش رچانے پر ڈوول اور دیگر کے خلاف امریکی عدالت میں مقدمہ دائر کر دیا ہے۔ نیویارک کی ایک ضلعی عدالت نے اس سلسلے میں بھارتی حکومت کو سمن جاری کیا۔
سمن میں بھارتی حکومت سے 21 دن کے اندر جواب طلب کیا گیا ہے۔
مقدمے میں اجیت ڈوول کے علاوہ ”را“ کے سربراہ سمنت گوئل، ”را“ایجنٹ وکرم یادیو اور بھارتی تاجر نکھل گپتا شامل ہیں۔
گروپتونت سنگھ پنن جو خالصتان حامی تنظیم سکھس فار جسٹس کے سربراہ ہیں نے اپنے سوشل میڈیا پلیٹ فارم ایکس پر سمن کی ایک کاپی شیئر کی ہے ۔
