بھارت
جارجیا: ریستوران سے 11بھارتی شہریوں کی لاشیں برآمد
تبلیسی:
سابق سوویت جمہوریہ جارجیاء کے سیاحتی مقام گڈوری کے ایک ریستوران سے 11بھارتی شہریوں کی لاشیں ملی ہیں ۔
کشمیر میڈیا سروس کے مطابق جارجیا کی وزارت داخلہ نے ایک تحریری بیان میں کہا ہے کہ یہ واقعہ جارجیا کے علاقے کازبیگی کے سب سے بڑے اور بلند ترین سکی ریزورٹ میں پیش آیا۔ پولیس کو 11بھارتی شہریوں اور ایک مقامی شخص کی لاش گڈوری میں ایک ہندوستانی ریستوران کے کمرے سے ملی ہیں ۔وزارت نے خدشہ ظاہر کیاہے کہ گزشتہ روز ریسٹورنٹ میں بجلی کی بندش کے باعث جنریٹر وہاں رکھا گیا تھا جس کے دھوئیں کے باعث یہ اموات ہوئی ہیں ۔واقعے کی مزید تحقیقات کی جارہی ہیں۔
