مقبوضہ جموں و کشمیر
سوپور میں محاصرے اور تلاشی کی کارروائی دوسرے روز بھی جاری
سرینگر:غیرقانونی طورپر بھارت کے زیر قبضہ جموں وکشمیرمیں بھارتی فورسز نے ضلع بارہمولہ کے قبضے سوپور میں پیر کو مسلسل دوسرے روز بھی محاصرے اور تلاشی کی پرتشدد کارروائی جاری رکھی۔
کشمیرمیڈیاسروس کے مطابق بھارتی فورسز نے یہ آپریشن اتوار کو قصبے کے علاقے زالورہ گجرپٹی میں شروع کیا تھا۔فورسز نے اتوار کی شام آپریشن کے دوران فائرنگ بھی کی۔حکام نے بتایا ابھی تک کسی جانی نقصان کی کوئی اطلاع نہیں ہے۔آخری اطلاعات آنے تک علاقے میں فوجی آپریشن جاری تھا۔
