اسلام آباد: بھارتی یوم جمہوریہ کو” یوم سیاہ “کے طور پر منانے کی مناسبت سے آج کل جماعتی ح±ریت کانفرنس آزاد جموںوکشمیر شاخ کے زیرِ اہتمام اسلام آباد میں ایک زبردست احتجاجی مظاہرے کا انعقاد کیا گیا۔
کشمیرمیڈیا سروس کے مطابق مظاہرے میں خواتین ، ، بچوں اور معمر افراد اور جوانوں سمیت لوگوں کی ایک کثیر تعداد نے شرکت کی۔ شرکاءنے ہاتھوں میں کتبے اور سیاہ جھنڈے اٹھائے رکھے تھے۔مظاہرین نے”بھارتی نام نہاد جمہوریت ہاے ہاے، ہم کیا چاہتے آزادی” ،ہے حق ہمارا آزادی ،بھارت سے لیں گے آزادی او Go India Go Backجیسے فلک شگاف نعرے لگا ئے ۔ مظاہرے کی قیادت وزیراعظم آزاد کشمیر جناب چوہدری انوار الحق ،کنوینر کل جماعتی ح±ریت کانفرنس آزاد کشمیر شاخ غلام محمد، صفی ، ڈاکٹر مشتاق احمد خان امیر جماعت اسلامی آزاد جموںوکشمیر ،فیض اللّٰہ فراق ترجمان حکومت گلگت بلتستان ، مہرالنسا جنرل سکریٹری مسلم کانفرنس ،پیر زین گیلانی گدی نشین بری امام ، محمد فاروق رحمانی ، ایڈوکیٹ پرویز احمد ،جاوید احمد بٹ ، سید راشد گردیزی اور دیگر کر رہے تھے۔
مقررین نے کہا کہ بھارت کے یوم جمہوریہ کو دنیا بھر میں بسنے والے مقیم کشمیری ہر سال یوم سیاہ کے طور پر مناتے ہیں جسکا بنیادی مقصد عالمی برادری کو پیغام دینا ہے کہ بھارت جمہوری ملک نہیں بلکہ یہ جارح اور استعماری ریاست ہے جس نے کشمیریوں کی آزادی طاقت کے بل پر سلب کر رکھی ہے اور وہ مقبوضہ علاقے میں انسانیت کیخلاف جنگی جرائم میں ملوث ہے ۔ انہوںنے کہا کہ بھارت متنازعہ علاقے میں اپنے یوم جمہوریہ کی تقریبات کے انعقاد کا کوئی حق نہیں رکھتا۔
مقررین نے کہا کہ بھارت مقبوضہ جموں وکشمیر میں حالات معمول پر ہونے کے اپنے نام نہاد بیانیے سے عالمی برادری کو ہرگز گمراہ نہیں کرسکتا۔ انہوںنے کہا کہ کشمیری عوام بھارت کے تمام تر مظالم اور ریشہ دوائیوں کے باوجود اپنے شہداءکے مقدس مشن کو اسکے منطقی انجام تک پہنچانے کیلئے پرعزم ہیں۔
مظاہرے کے اختتام پر بھارتی ہائی کمیشن تک ریلی بھی نکالی گئی۔
