کینیڈا میںبھارتی سفارتکارنے خالصتان ریفرنڈم کے منتظم کے قتل کے لئے رقم پیش کی: ایس ایف جے
واشنگٹن: امریکہ میں قائم خالصتان نواز تنظیم سکھس فار جسٹس (SFJ)کا کہناہے کہ کینیڈا میں تعینات ایک بھارتی سفارتکار نے خالصتان ریفرنڈم کے منتظم اندرجیت سنگھ گوسال کے قتل کے لیے 50ہزار ڈالر کی رقم ایک ہٹ مین کو پیش کی ہے۔
کشمیرمیڈیاسروس کے مطابق ایس ایف جے نے ایک بیان میں کہاکہ کینیڈین سیکیورٹی اور انٹیلی جنس ایجنسیاں قتل کے اس منصوبے سے آگاہ تھیں اور رائل کینیڈین مائونٹڈ پولیس (RCMP)نے اندرجیت سنگھ کوجان کے خطرے کے پیش نظر حال ہی میں سیکیورٹی اور تحفظ کی پیشکش بھی کی ہے۔کینیڈین میڈیا کے مطابق اندر جیت سنگھ گوسال خالصتان ریفرنڈم مہم کے منتظمین میں شامل رہے ہیں اور انہیں پہلے بھی پولیس نے احتیاط برتنے کی ہدایت کی تھی جس میں ایسے خدشات ظاہر کیے گئے تھے کہ ان پر حملے کے پیچھے بھارت کا ہاتھ ہوسکتا ہے۔ایس ایف جے کے جنرل کونسل گروپتونت سنگھ پنوں نے کہا کہ تنظیم یہ تفصیلات اس لیے سامنے لا رہی ہے تاکہ کینیڈا میں سکھ کارکن ہردیپ سنگھ نجر کے قتل جیسا ایک اور واقعہ رونما نہ ہو۔ایس ایف جے کے مطابق اندرجیت سنگھ کے خلاف قتل کی سازش سے متعلق معلومات کینیڈین حکومت کے اعلیٰ ترین اداروں، بشمول وزیراعظم مارک کارنی کے دفتر، وزیر خارجہ انیتا آنند کے دفتر اور وزیر برائے عوامی تحفظ تک پہنچا دی گئی ہیں۔
