متفرقات
مقبوضہ جموں وکشمیر: سڑک حادثے میں 2طالبات جانبحق ،23زخمی
سرینگر: بھارت کے غیر قانونی زیر قبضہ جموں وکشمیر کے ضلع کپواڑہ میں طالبات کی ایک بس کو حادثہ پیش آجانے کے نتیجے میں 2طالبات جانبحق جبکہ 23 زخمی ہو گئیں۔
کشمیر میڈیاسروس کے مطابق بس کو حادثہ ضلع کے علاقے ہندواڑہ میں پیش آیا۔بس ڈرائیور کے قابو سے باہر ہوکر سڑک پر الٹ گئی۔
میڈیکل سپرنٹنڈنٹ ڈی ایچ ہندواڑہ ڈاکٹر اعجاز احمد بٹ نے دو طالبات کے جانبحق ہونے کی تصدیق کی ہے۔ شدید زخمی طالبات کو علاج کے لیے سری نگر کے ایک ہسپتال میں منتقل کیا گیا ہے۔
