بھارت
بھارتی فضائیہ کا طیارہ گر کر تباہ
نئی دلی 24دسمبر(کے ایم ایس)
بھارتی فضائیہ کا مگ 21طیارہ راجستھان میں جیسلمیر کے قریب گر کر تباہ ہو گیا ہے۔
کشمیر میڈیا سروس کے مطابق جیسلمیر کے ایس پی اجے سنگھ نے بھارتی سرکاری خبر رساں ایجنسی پریس ٹرسٹ آف انڈیا کو بتایا ہے کہ طیارہ سام پولیس اسٹیشن کی حدود میں ڈیزرٹ نیشنل پارک کے علاقے میں گر کر تباہ ہواہے۔انہوں نے کہا کہ پولیس موقع پر پہنچ گئی ہے اور پائلٹ کی تلاش جاری ہے۔ خبر کی تصدیق کرتے ہوئے، فضائیہ کے آفیشل ٹویٹر ہینڈل نے ٹویٹ کیاہے کہ آج رات تقریباساڑھے آٹھ بجے مگ 21طیارہ جو کہ تربیتی پرواز پر تھا گر کر تباہ ہو گیا ہے ۔ مزید تفصیلات کا انتظار ہے ۔
