مقبوضہ جموں و کشمیر
اترپردیش:طلباءسے بھارت کو ہندو راشٹر بنانے کا حلف لیا گیا
سون بھدرا اتر پردیش 01 جنوری (کے ایم ایس)بھارتی ریاست اتر پردیش کے ضلع سون بھدرا میں سکول کے طلباءسے بھارت کو ہندو راشٹر بنانے کا حلف لیا گیا۔
کشمیر میڈیاسروس کے مطابق طلبائسے عہد لینے کی ایک ویڈیو سوشل میڈیا پر وائرل ہوئی ہے۔ یونیفارم میں ملبوس طلباءاسکول پارک میں جمع تھے اور اس دوران ان سے بھارت کو ایک ہندو راشٹر بنانے کا حلف لیا گیا ۔ بچوں سے حلف لینے کی تقریب ہندو مذہبی نعروں کے ساتھ ختم ہوئی۔حلف میں کہا گیا ”ہم بھارت کو ہندو راشٹر بنانے کے لیے کام کرنے کا وعدہ کرتے ہیں۔ ہم اس کے لیے لڑیں گے، اسی کے لیے مریں گے اور اگر ضرورت پڑی تو اس کے لیے ماریں گے لیکن ہم ایک لمحے کے لیے بھی پیچھے نہیں ہٹیں گے“۔
