اسلام آباد:
بھارتی پروپیگنڈا مشینری اپنی پراکسی فتنہ الخوارج کی حمایت میں کھل کر سامنے آ گئی ہے ،بھارتی اور افغان سوشل میڈیا اکائونٹس خطے میں عدم استحکام کیلئے دہشت گردوں کے زہریلے بیانیے کے فروغ میں مصروف ہیں۔
کشمیرمیڈیاسروس کے مطابق پاکستان کی سکیورٹی فورسز کیخلاف بھارتی اور افغان سوشل میڈیا اکائونٹس کی جانب سے جھوٹ پھیلانے کی مذموم سازش کا پردہ چاک ہوگیا۔بھارتی پروپیگنڈا اکائونٹس نے فتنہ الخوارج ٹی ٹی پی کے میڈیاونگ "اوسینٹ ٹی وی "کا حوالہ دیتے ہوئے جھوٹا دعوی کیا ہے کہ پاک فوج کے کچھ فوجیوں نے طالبان میں شمولیت اختیار کی ہے جبکہ درحقیقت ایسا کوئی واقعہ پیش ہی نہیں آیا اور نہ ہی کہیں رپورٹ ہوا۔فتنہ الخوارج کی حمایت میں بھارتی پروپیگنڈا اکائونٹس کا دعویٰ من گھڑت اور مربوط ڈس انفارمیشن مہم کا حصہ ہے ۔پاکستان کیخلاف بھارتی اور افغان اکائونٹس سے منسلک پروپیگنڈا نیٹ ورکس نے منظم مہم چلانے کی کوشش کی ہے۔بھارتی پروپیگنڈا مشینری تخریب کار مودی کی ایما پر پاکستان کے خلاف نفرت انگیز مہم چلانے میں مصروف عمل ہے۔
