(کشمیر میڈیا سروس)
اسلام آباد 07 جنوری (کے ایم ایس)
پاکستان نے سارک اور غیرقانونی طورپر بھارت کے زیرقبضہ جموں وکشمیر کے بارے میں بھارتی وزارت خارجہ کے جھوٹے دعوے اور متنازعہ بیان کو سختی سے مسترد کردیا ہے۔
کشمیرمیڈیاسروس کے دفتر خارجہ کے ترجمان عاصم افتخار اسلم نے جمعہ کو جاری بیان میں میڈیا کے سوالات کا جواب دیتے ہوئے کہاکہ سارک عمل میں بھارت کی طرف سے رکاوٹ پیدا کرنا ایک ثابت شدہ اور مسلمہ حقیقت ہے۔ اپنی متعصبانہ وجوہات کے زیراثر اور دوطرفہ معاملات کو ایک طرف رکھنے سے متعلق منشور کی شقوں کے خلاف عمل کرتے ہوئے بھارت طے شدہ انیسویں سارک سربراہ اجلاس کے انعقاد کی راہ میں رکاوٹ ڈالنے کا ذمہ دار تھا جسے 2016میں پاکستان میں ہونا تھا۔انہوں نے کہاکہ بھارتی کوتاہ نظری کے رویے کے نتیجے میں علاقائی تعاون کا قیمتی پلیٹ فارم تیزی سے عضو معطل بنتا جارہا ہے۔ترجمان نے کہاکہ پاکستان امید کرتا ہے کہ بھارت فروعی مفادات کے اپنے طرز عمل پر نظرثانی کرے گا اور جنوبی ایشیاکے عوام کی ترقی وخوشحالی کیلئے سارک عمل کو آگے بڑھنے دے گا۔ حائل کردہ مصنوعی رکاوٹوں کے دور ہوتے ہی پاکستان اپنے طور پر آئندہ سارک سربراہ اجلاس کے انعقاد اور میزبانی کیلئے تیار ہے۔عاصم افتخار نے کہاکہ بھارت حقائق کو دھندلانے، غلط انداز میں پیش اور مسخ کرنے کی جتنی بھی کوشش کرے لیکن غیرقانونی طورپر بھارت کے زیرقبضہ جموں وکشمیر میں بھارت کی طرف سے جاری ریاستی دہشت گردی چھپائی نہیں جاسکتی۔کشمیریوں کے انسانی حقوق کی سنگین خلاف ورزیوں کی جملہ تفصیل انسانی حقوق کیلئے اقوام متحدہ کے ہائی کمشنر کے دفتر کی 2018 اور 2019 میں جاری کردہ دو رپورٹوں سمیت عالمی انسانی حقوق کی مشینری نے دستاویزی شکل میں مرتب کی ہے۔ اس کے علاوہ پاکستان نے عالمی برادری کے سامنے متعدد ڈوزئیر پیش کئے ہیں جن میں غیرقانونی طورپر بھارت کے زیرقبضہ جموں وکشمیر میں انسانی حقوق کی لامتناہی خلاف ورزیوں اور کشمیریوں پر ریاستی دہشت گردی کے بھارتی جرائم قلم بند کئے گئے ہیں۔ترجمان نے کہاکہ بھارت ریاستی دہشت گردی کو اپنے پالیسی ہتھیار کے طورپر استعمال کرنا بند کرے۔ پاکستان پختہ عزم کے ساتھ بھارتی مضحکہ خیز اور گمراہ کن پراپیگنڈے اورفتنہ پردازی کی مخالفت اور علاقائی امن وسلامتی کو خطرات سے دوچار کرنے کے امن دشمن بھارتی ایجنڈے کو بے نقاب کرتا رہے گا۔انہوںنے کہاکہ بھارت کو کشمیریوں کی منصفانہ، جائز اور مقامی جدوجہد کو تسلیم اور کشمیریوں کی خواہشات کا احترام کرنا ہوگا اور انہیں اقوام متحدہ کے منشور اور اقوام متحدہ کی سلامتی کونسل کی متعلقہ قراردادوں کے مطابق استصواب رائے کا ناقابل تنسیخ حق دینا ہوگا۔
تازہ ترین
- بھارت میں اقلیتوں کے حقوق کی تشویشناک حد تک خلاف ورزیاں جاری ہیں
- مقبوضہ کشمیر:پولیس کا ڈپٹی سپرنٹنڈنٹ سرینگر سے گرفتار
- نریندر مودی خطے میں دہشت گردی میں ملوث ہے ،مشعال ملک
- کینیڈا ،انڈیا سفارتی تنازعہ شدت اختیار کرگیا، بھارت نے کینیڈا کیلئے ویزا سروسز تاحکم ثانی معطل کردیں
- محمود ساغر کا ترک صدر کے نام خط ،جنرل اسمبلی میں مسئلہ کشمیر اجاگر کرنے پر شکریہ ادا کیا
- کینیڈا نے بھارت کی سفری ہدایات کو مسترد کردیا
- کینیڈا میں خالصتان تحریک کا ایک اور لیڈر سکھدول سنگھ قتل
- صدر بائیڈن سکھ لیڈر کے قتل میں بھارت کے ملوث ہونے کے الزامات کو سنجیدگی سے دیکھ رہے ہیں ، جان کربی
- ہردیپ سنگھ نجار کے قتل کے بعد کینیڈا میں سکھ اور دیگرامیگرینٹ کمیونٹیز خود کو غیر محفوظ سمجھتی ہیں، جگمیت سنگھ
- تنازعہ کشمیر جنوبی ایشیائی خطے کے امن و استحکام کو درپیش اہم ترین چیلنج ہے ، سعودی وزیر خارجہ