بھارت
بھارت، انڈیگو کی پرواز بم دھمکی کے بعد لکھنؤ میں ہنگامی لینڈنگ پر مجبور
لکھنؤ:دہلی سے بگڈوگڑا جانے والی انڈیگو ایئر لائنز کی ایک پرواز کو بم دھمکی کے بعد لکھنؤ ائرپورٹ پر ہنگامی لینڈنگ کرنی پڑی۔ پرواز ہنگامی لینڈنگ کے بعد محفوظ طریقے سے اتر گئی اور 222 مسافر اور عملہ کو حفاظت سے نکال لیا گیا۔
کشمیر میڈیا سروس کے مطابق طیارے میں بم کی دھمکی والا ایک ہاتھ سے لکھا نوٹ برآمد ہوا اور بم ڈسپوزل اسکواڈ نے فوری طور پر جانچ شروع کر دی ہے۔
یہ واقعہ انڈیگو ایئر لائنز کے لیے ایک اور چیلنج ہے، جو پائلٹ کی کمی اور نئے FDTL قواعد کی وجہ سے حالیہ پروازیں منسوخ ہونے کے بعد پہلے ہی مشکلات کا شکار ہے۔ ایئر لائن کی یہ آپریشنل مشکلات مسافروں کی حفاظت کے حوالے سے تشویش پیدا کر رہی ہیں۔
