لداخ کو ریاست کا درجہ دینے سے بھارت کے انکار کے بعد نئے احتجاجی مظاہروں کا خدشہ
لہہ:لداخ میں لہہ ایپکس باڈی (LAB) کے شریک چیئرمین چیرنگ ڈورجے لاکروک نے کہاہے کہ مودی کی زیرقیادت بھارتی حکومت نے لداخ کو ریاست کا درجہ نہ دینے یا چھٹے شیڈول میں شامل نہ کرنے کا اشارہ دیا ہے جس سے خطے میں احتجاجی مظاہروں کی نئی لہر کا خدشہ پیدا ہو گیا ہے۔
کشمیر میڈیا سروس کے مطابق نئی دہلی میں بھارت کی وزارت داخلہ کے زیر اہتمام ایک اعلیٰ اختیاراتی کمیٹی کے اجلاس کے بعد چیرنگ درجے نے مذاکرات کوغیر نتیجہ خیز قرار دیتے ہوئے خبردار کیا کہ مودی حکومت لداخی عوام کے بنیادی مطالبات کو تسلیم کرنے سے انکارکررہی ہے۔ انہوں نے کہاکہ مقامی رہنماو¿ں کی جانب سے سیاسی حقوق اور آئینی ضمانتوں کے بار بار مطالبات کے باوجودمودی انتظامیہ کا یہ موقف سامنے آیا ہے جس سے خطے کے سیاسی مطالبات کوتسلیم کرنے میں بھارتی حکومت کی مسلسل ہٹ دھرمی کی عکاسی ہوتی ہے۔تجزیہ کاروں کا کہنا ہے کہ اس فیصلے سے بھارت کے زیر قبضہ علاقے میں بڑے پیمانے پراحتجاجی مظاہرے شروع ہونے کا امکان ہے۔لداخ کے لوگوں اور سول سوسائٹی کے رہنماو¿ں نے غصے اور مایوسی کا اظہار کرتے ہوئے خبردار کیا ہے کہ ریاستی حیثیت سے مسلسل انکار موجودہ تناو¿ کو بڑھا سکتا ہے اور سیاسی حقوق کے مطالبات کو منوانے کے لئے منظم احتجاج کا باعث بن سکتا ہے۔
