مقبوضہ جموں و کشمیر
بڈگام : سکول بس کو حادثہ ، ڈرائیور جانبحق، دو طلباءزخمی
سرینگر: بھارت کے غیر قانونی زیر قبضہ جموںوکشمیر کے ضلع بڈگام میں ایک سکول بس کو حادثہ پیش آنے کے نتیجے میں ڈرائیور جان بحق جبکہ دو طالب علم زخمی ہو گئے۔
کشمیر میڈیاسروس کے مطابق سکول بس کو حادثہ ضلع کے علاقے نیگو برینور میں پیش آیا ۔ بس سڑک سے پھسل کر کھائی میں جا گری جس کے نتیجے میں ڈرائیور موقع پر جان بحق جبکہ دو طالب علم زخمی ہوئے۔
جانبحق ہونے والے ڈرائیور کی شناخت شاہد احمد لون کے طور پر ہوئی ہے جبکہ زخمی طلباءکے نام تنزیل الاسلام اور الاف احمد بتائے جاتے ہیں جنہیں سرینگر کے ایس ایم ایچ ایس ہسپتال میں داخل کیا گیا ہے۔
