نائیجیریا: 31.5 کلو کوکین سمگل کرنے پر 11 بھارتی ملاحوں کو سزا
نئی دہلی،:بھارت کے لیے شدید شرمندگی کا باعث بنتے ہوئے، نائیجیریا کے شہر لاگوس میں وفاقی ہائی کورٹ نے تجارتی جہاز ایم وی ارونا ہلیا کےعملے کے 11 بھارتی ارکان کو 31.5 کلو کوکین سمگل کرنے کے جرم میں سزا سنائی ہے۔
کشمیر میڈیا سروس کے مطابق جہاز کے عملے بشمول کپتان شرما ششی بھوشن اور 10 دیگر کو 2 جنوری 2026 کو نائیجیریا کی نیشنل ڈرگ لا انفورسمنٹ ایجنسی نےجہاز کو اپاپا بندرگاہ پر پہنچنے پر حراست میں لیا تھا۔عدالت نے جہاز کو نائیجیریا کی حکومت کو 53 لاکھ ڈالر معاوضہ ادا کرنے کا حکم دیا، جبکہ تین اہم افسران کو ایک لاکھ ڈالر فی کس اور باقی عملے کو 50 ہزار ڈالر فی کس ادا کرنے کے ساتھ ساتھ اضافی جرمانے بھی عائد کیے گئے۔یہ واقعی بین الاقوامی منشیات کی اسمگلنگ کے نیٹ ورکس میں بھارتی شہری اور تجارتی جہاز و۔ کے ملوث ہونا کاایک اور ثبوت ہے۔ جہاں بھارتی اسٹیبلشمنٹ اکثر پاکستان کو تمام مسائل کا ذریعہ قرار دینے کی کوشش کرتی ہے، وہیں حقیقت یہ ہے کہ بھارت خود کوکین، ہیروئن، میتھمفیٹامین اور چرس سمیت منشیات کے لیے ایک اہم ٹرانزٹ اور سہولت کاری کا مرکز بن کر ابھرا ہے۔بھارت کے اپنے نارکوٹکس کنٹرول بیورو نے صرف 2025 میں ایک لاکھ33ہزار کلو سے زیادہ نشہ آور اشیاء ضبط کیں، جن کی مالیت تقریباً 20ارب روپے تھی۔ موندرا بندرگاہ پر ہیروئن کی ریکارڈ ضبطی سمیت بڑی کارروائیوں نے بارہا بھارت کی بندرگاہوں کی سیکیورٹی اور بحری نگرانی میں سنگین خامیوں کو بے نقاب کیا ہے۔ناقدین کا کہنا ہے کہ نئی دہلی اپنی اندرونی ناکامیوں کو دور کرنے کے بجائے الزامات کو ہمسایہ ملکوں خصوصا پاکستان کے خلاف سیاسی بیانیوں کو فروغ دینے کیلئے استعمال کررہی ہے۔نائیجیریا میں ان 11 بھارتی ملاحوں کی سزا ایک اور یاد دہانی ہے کہ بھارت کا منشیات کا مسئلہ مقامی ہے، نہ کہ محض ایک درآمد شدہ خطرہ۔
.jpeg)
