بھارت، پاکستان کو مذاکرات کے ذریعے مسائل حل کرنے چاہئیں،عمر عبداللہ
سرینگر:مقبوضہ جموں و کشمیر کے وزیراعلیٰ عمر عبداللہ نے بھارت اور پاکستان پر تمام تصفیہ طلب مسائل کے پائیدار حل اور دوطرفہ تعلقات بہتر بنانے کے لیے مذاکرات پرزوردیاہے۔
کشمیر میڈیا سروس کے مطابق عمر عبداللہ نے شوپیان میں صحافیوں سے بات کرتے ہوئے کہا کہ بھارت اور پاکستان کے درمیان کشیدگی کوئی نئی بات نہیں اور دہائیوں سے جاری ہے۔ گزشتہ سال پہلگام واقعے کے بعد کشیدگی میں مزیداضافہ ہواہے۔حال ہی میں بھارتی وزیراعظم کو لکھے گئے ایک خط کا حوالہ دیتے ہوئے، جس میں دونوں ممالک کے درمیان تعلقات بہتر بنانے پر زور دیا گیا تھا، عمر عبداللہ نے کہا کہ اس طرح کے مطالبے پر کوئی اعتراض نہیں ہونا چاہیے۔انہوں نے سوال کیا کہ مذاکرات سے متعلق جموں و کشمیر کے رہنماؤں کے مطالبات پربھارت۔ میں تنقید کیوں کی جاتی ہے، جبکہ آر ایس ایس کے سینئر رہنماؤں کے مذاکرات کے حق میں بیانات پر کوئی اعتراض نہیں کیا جاتا۔سابق وزیراعظم اٹل بہاری واجپائی کا ذکر کرتے ہوئے عمر عبداللہ نے کہا، "دوست تو بدلے جا سکتے ہیں، لیکن ہمسائے نہیں بدل سکتے۔”
انہوں نے کہا کہ با مقصد مذاکرات کے ذریعے ہمسایہ ممالک کے درمیان بہتر تعلقات کو فروغ دینا چاہیے۔
