مقبوضہ جموں و کشمیر
مقبوضہ جموں وکشمیر:بھارتی پولیس نے سابق وزیر کو گرفتار کر لیا
جموں 09 اپریل (کے ایم ایس)بھارت کے غیر قانونی زیر قبضہ جموں و کشمیر میں پولیس نے آج جموں خطے کے ضلع کٹھوعہ سے سابق نام نہاد وزیر جتندر سنگھ عرف بابو سنگھ کو گرفتار کرلیا۔
کشمیر میڈیا سروس کے مطابق ایک پولیس افسر نے بتایا کہ جتندر سنگھ کو حوالہ کی رقم کی وصولی سے متعلق ایک کیس میں گرفتار کیا گیا۔سنگھ 31 مارچ سے فرار تھا ۔جموں کے سینئر سپرنٹنڈنٹ پولیس چندن کوہلی نے ذرائع ابلاغ کو بتایا کہ سابق وزیرکو کٹھوعہ ضلع سے گرفتار کیا گیا۔بابو سنگھ 2002-2005 میں میں پیپلز ڈیموکریٹک پارٹی-کانگریس کے دور حکومت میں وزیر تھے اور اب ایک تنظیم، نیچر-مینکائنڈ فرینڈلی گلوبل پارٹی کے چیئرمین ہیں۔
